李勤岸.ppt

李勤岸 啥人ê基本法？ 行政院佇 2010年 10 月 22 日通過客家委員會所提出 ê「客家基本法」草案，引起族群之間真大 ê 緊張。這是接續 2005 年 2月 5 日通過「原住民基本法」以後，第二个族群基本法。 向少數族群買票？ 阮認為單獨去為特定族群訂定基本法是真無妥當 ê。阮贊成族群事務需要法制化，但是這款被動設立 ê 基本法，基本上證明執政當局無全盤 ê 規劃。 「語言平等法」？ 聯合國教科文組織（UNESCO）佇 2001 年公佈〈世界文化多樣性宣言〉，呼籲各國政府愛保障各族群語言文化 ê生存佮發展。咱以前欲制定 ê「語言平等法」是有合佇聯合國這个宣言 ê 精神 ê。顛倒是為特定 ê 族群去制定 ê 基本法無合佇這个精神。閣再講，按呢制定 ê 基本法真有可能是違憲 ê，因為伊無合公平原則。 啥人ê預算？ 舊年（2010 年）原住民族委員會ê 年度預算是72.5 億，客家委員會是27 億。其中，客家委員會編列來tshui-sak客語教育ê 預算是1.7 億、補助客語傳播媒體是7 億，合計8.7 億。 天文數字！ 這二个委員會今年ê 預算koh 再增加，分別是原住民族委員會73.7 億，客家委員會33.2 億。 弱勢 ê多數族群 按呢繼續落去，台灣納稅上濟 ê Holo （和樂） 族群，絕對會變做上蓋弱勢 ê 族群矣！ 啥人ê事務委員會？ 咱毋是反對原住民族，mā毋是反對客家族群，咱反對ê是執政者利用公部門ê 預算來分裂族群和諧thang 達成in個別政黨ê 利益。咱看全世界敢有佗1 个國家，分別成立各語族ê 事務委員會ê ？ 內戰？ 是按怎人袂按呢做，因為小可有一點仔遠見就知，按呢最後 ê 結果，就是內部族群ê 分裂，情形上bái，嘛有可能發生內戰。 國家語言族群事務委員會 咱 呼籲政府遵照聯合國教科文組織「文化多樣性宣言」ê 精神成立「國家語言族群事務委員會」，hōo 台語族群有公平ê 資源來 tshui-sak 族語！