波斯语-乌兹别克语比较语法..doc

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI TOSHKENT DAVLAT SHARQSHUNOSLIK INSTITUTI D.A.AZIMDJANOVA FORS VA O‘ZBEK TILLARINING SOLISHTIRMA-QIYOSIY GRAMMATIKASI Toshkent-2008 Qo‘llanma fors va o‘zbek tillarining solishtirma-qiyosiy grammatikasi bo‘yicha maxsus kurs hisoblanadi va eron-afg‘on filologiyasi kafedrasining talabalariga mo‘ljallangan. Qo‘llanmada har ikki tildagi so‘z turkumlari solishtirma-qiyosiy uslub asosida tahlil qilindi. Mas’ul muharrir: Taqrizchilar: dos. Shokirov O.Z. dos. Alimova X.Z. D.A.Azimdjanova. Fors va o‘zbek tillarining solishtirma-qiyosiy grammatikasi. –T.: ToshDShI nashriyoti, 2008 Ushbu o’quv-uslubiy qo’llanma Toshkent davlat sharqshunoslik instituti o‘quv-uslubiy kengashi tomonidan nashrga tavsiya etilgan (№5 bayonnoma, 14.06.07). ? Toshkent davlat sharqshunoslik instituti, 2008 KIRISH Ushbu qo‘llanma fors va o‘zbek tillarining solishtirma-qiyosiy grammatikasi maxsus kursiga bag‘ishlangan bo‘lib, eron-afg‘on filologiyasi kafedrasining talabalariga mo‘ljallangan. Uning asosiy maqsadi fors hamda o‘zbek tillari grammatikasini solishtirma-qiyosiy o‘rganish va ikki til normativ grammatikasi, ulardagi o‘xshash tomonlar bilan tanishtirishdir. Qo‘llanma o‘zbek va fors tillarining fonetika va morfologiyasini qiyosiy o‘rganishdan iborat bo‘lib, har ikki tilda mavjud bo‘lgan munozarali masalalar haqida bahs yuritilmaydi. Mazkur qo‘llanmani tuzishda Sh.Rahmatullaevning “Hozirgi adabiy o‘zbek tili”, Yu.A.Rubinchikning “Grammatika sovremennogo persidskogo literaturnogo yazika”, Ya.Samarening “āvā?enasi-ye zabān-e fārsi”, beshta eron tilshunos tomonidan yozilgan “Dastur-e zabān-e fārsi” asarlaridan foydalanildi va ularning mulohaza hamda fikrlari qo‘llanmada o‘z aksini topgan. Qo‘llanmada forsiy misollarni transkripsiyani berishda lotin grafikasidan foydalanildi. Fors tili sohasida qo‘llanma dastlabki ish bo‘lib, albatta ba’zi bir nuqson va kamchiliklardan xoli emas. Sh