潘丽丽-画眉专辑.docVIP

潘麗麗-畫眉專輯 一、畫眉(第六屆金曲獎最方言作詞獎)作詞：路寒袖　作曲：詹宏達 天星伐過小山溝 伊的影綴著泉水流 流到咱兜的門腳口 咱捧著星光林落喉 阿　冰冰涼涼感情相透 雲為山咧畫目眉 有時淺淺有時厚厚 雲雖然定定真賢走 山永遠佇遐咧等待 啊　兩的註定作伙到老 我是雲　汝就是　汝就是彼座山 顧著汝驚汝受風寒 我畫目眉汝斟酌看 逐筆攏是海礁石爛 啊　一生汝是　汝是我的心肝風雲飛過全台灣的厝頂作詞：路寒袖　作曲：詹宏達 風雲飛過全台灣的厝頂 夕陽沉佇橋前 中山北路的火車 一班過一班是按怎攏膾停 阮打毋見佇都市的心情 到底坐佇佗一台 偷偷啊　偷偷啊　偷走去旅行 路口閃閃熾熾的青紅燈 阮已經分不清 中山北路的樹仔 一欉閣一欉是按怎攏膾冷 恁佮阮攏是踮佇台北 佮生活佇咧競爭 恬恬啊　恬恬啊　恬恬佇咧拼前程 汝我夢中繁華的都市 來來去去有遮濟儂 是按怎　是按怎　是按怎攏冷冰冰山路作詞：路寒袖　作曲：詹宏達 跁崎的山路　彎彎擱翹翹 盤佇山坡　盤佇咱的心頭 汝的情牽著我的愛 我的愛牽著咱的將來 咱勻勻啊行來山頂看大海 寂靜的山路　雙邊相思栽 栽佇心內　栽佇眼前世界 山頂生活無啥感慨 干礁聽到咱喘氣的愛 咱勻勻啊行來山頂看大海 山路啊山路　越過來聽到風 山路啊山路　越過去看到雲 野草含著露水　像雲遐呢厚 濕入夢中　濕入夢中 雲浮上山的肩胛頭 胭脂水粉作詞：路寒袖　作曲：詹宏達 夕陽像胭脂　白雲若水粉 溪水濕澹阮的裙　梳妝打扮為山崙 天地逐瞑作伙睏　逍遙自在無怨恨 胭脂點喙唇　面肉抹水粉 妖嬌增加幾何分　毋過看來無像阮 為著生活甲歌唱　唱出討賺的心酸 紅色的胭脂　白色的水粉 胭脂水粉真齊勻　洗清了後剩淚痕 目屎擦礁才是阮　風吹頭毛若飛雲 倒一杯酒來甲汝照顧作詞：路寒袖　作曲：詹宏達 白雪一蕊若花飄墜落 輕輕結踮汝的褲 為阮操勞不知苦 逐工迎接風佮雨 咱厝踮佇天地的門戶 時間若貓陌山路 冬天過了雪入土 青春淋雨想當初 雨水踏著立春的腳步 聲聲滴落阮心湖 燒酒囥佇小烘爐 芳味飛駕滿山路 倒一杯酒來甲汝照顧 滲著雪水滲著雨 滲著苦楚林落肚 果樹爆芽天拄黑大漢汝就知作詞：路寒袖　作曲：詹宏達 咱的查某囝拄度晬 拄好咧學行學講話 卡叫爸爸佮媽媽 爸爸佇山頭咧做山 媽媽佇電視咧唱歌 苦無時間轉來甲汝看 抱汝親汝甲汝惜命命 汝若欲睏唱歌乎汝聽 心肝仔囝　心肝仔囝 毋是阮愛放汝孤單 汝若大漢落知影 汝乖巧聽乎清楚毋通驚 這是媽媽的聲 彼是爸爸的聲 人生膾使靠運佮靠命 凡事認真打拼才會得儂疼 踮佇世間挺挺像山嶺 心肝仔囝　心肝仔囝思念二千公尺作詞：路寒袖　作曲：詹宏達 汝我住佇二千公尺的高山 逐工佮雲咧相看　定定有霧來靠岸 雙儂佇遐坐歸工　鳥隻嘛膾甲咱趕 生活過了真簡單　過了真簡單 思念親像二千公尺的高山 我佇都市真孤單　雖然胭脂作伴 汝佇山頂等天暗　央望時間像噴泉 生活過了真艱難　過了真艱難 是按怎　是按怎　到底是按怎 風那會將咱吹散 一個做山　一個做苦旦逐瞑一通電話作詞：路寒袖　作曲：詹宏達 我對山頂打去一通電話 吞吞吐吐遙遠的聲音 問汝都市有幾葩燈火 問汝佇台北的日子　是按怎過 我佇台北接著汝的電話 聲音帶著霜雪的冰冷 明知燈火像天星遐濟 明知虛華的生活　我膾沉迷 問汝想我到底有何濟 明知我想汝宛然一條溪 問汝啥麼時陣　轉來佮我作伙 問汝想我到底有何濟 明知想汝宛然一條溪 明知嫁汝了後　我就毋捌後悔 逐瞑一通電話　聽汝的聲 希望佇夢中見到汝的影 逐瞑一通電話叫汝的名 希望夢中汝我鬥陣行 人生露水作詞：路寒袖　作曲：詹宏達 春天對山的身邊行過 透早的第一滴露水 滴落　滴落　滴落無聲的土地 昨暗咱咧烘的火 恬恬趶佇烘爐底 咱含苞的希望 迸破冬天的霜雪 佇樹仔尾咧開花 春天對山的身邊行過 透早的第一滴露水 滴落　滴落　滴落無聲的土地 時間無影欲佗揣 人生露水一去無回 踮佇春天的路尾 洶洶理想挽一枒 插上咱的心肝底等待冬天作詞：路寒袖　作曲：詹宏達 無幾個儂　知影咱遮會落雪 雪若咧飛　滿天落全白花 茫茫一片　是天對地咧立誓 這款情　這款愛 無幾個儂會凍了解 天地白白　好親像咱的前世 為情出世　無啥麼通怨磋 等待冬天　天佮地落閣作伙 個無話　個無話 千年萬世攏佇內底 口白： 等待冬天雪落會飛 彼是天對地咧立誓 草木白頭無需要講話 千年萬世攏佇內底