台湾诗赏析AppreciationofTaiwanesePoetry.doc

〈若是到恆春〉宋澤萊（一） ? 若是到恆春 着愛落雨的時陣 罩霧的山崙 親像姑娘的溫純 ? 若是到恆春 愛揀黃昏的時陣 你看海墘的晚雲 半天通紅像抹粉 ? 若是到恆春 着愛好天的時陣 出帆的海船 有時駛遠有時近 ? 若是到恆春 毋免揀時陣 陳達的歌若唱起 一時消阮的心悶 〈台灣圓仔花〉藍淑貞（二） ? 圓仔花 媠噹噹 大紅紫紅閣粉紅 一粒一粒滿花欉 ? 圓仔花 有向望 毋驚土地歹釘空 四界釘根鑽活縫 ? 台灣的查某人 親像圓仔花 枝骨軟弱根釘絚 毋驚??踏毋驚挽 鑽出焦燥的土地 活出一片光映映的希望 〈食頭路〉向陽食人的頭路真艱苦透早起來出門搧冷風，等公車搖頭看手錶苦苦等，苦苦看公車 (kheh) 著人已經昏倒一大半食人的頭路真痛苦每日上班拍看頂司，面色喝東不敢向西行苦苦做，苦苦月給領人已經減活幾仔歲食人的頭路真辛苦不時透暝加班聽鐘聲，算時間一分一秒有夠慢苦苦算，苦苦等日頭看人已經手懶懶懶講一句罰一箍講一句罰一箍台灣話真俗阮老父逐日予我幾張新台票講一句掛一擺狗牌台灣話咬人先生叫阮咬這個傳彼個講一句一擺烏枋台灣話人阮烏枋知犯啥罪講一句拍一擺手心台灣話有毒阮的毒來中原的所在先生 伊講廣東話為啥無拍手心先生 伊講上海話也無烏枋心生 伊講四川話也無掛狗牌先生 你講英語為啥無罰一箍先生提起竹仔枝拍破阮的心〈相思海〉思念親像海溝深深深滿出來汪汪流 海這頭一個消瘦形彼頭落葉影海闊時差濟 過來過去 過來，海這頭親像彼日時 過去，彼日時無精無神像暗時 敢會當規氣想？ 若會按呢 凡勢規海會自按呢消失去 海溝嘛自按呢平平平你我免隔一相思海苦苦撐渡 〈看見鄉愁〉林央敏細漢時陣，鄉愁是一首詩寫一本古冊裡天涯浮雲遮著故鄉落日流浪的馬車長長一聲變做四四角角的形影 大漢了後一張四四角角的火車票將阮送去遠遠的黃昏仝款是落日染浮雲但是人情景緻變生份這時阮才看見鄉愁是一幅圖深深畫心肝內畫著故鄉的可愛 啊！思念爹娘的目屎燒燒滴落來無人知！無人知！??? 〈〉〈〉〈〉〈〉風微微仔吹 假使愛情是風吹 阮想欲搝著這條線 毋甘放予伊飛 伊愈飛愈遠 欲按怎收回 想欲寫一張批 共相思放予秋風吹 感情哪通綴風飛 飛入雲底 佮我覕相揣 斷線的風吹 欲去佗位揣 燕仔燕仔東南飛 明年也會閣再回 情覕佇雲頂無地揣 攑頭看天一直揣 〈詩人記事II〉陳明仁（十六） 流浪的詩人 用流浪的心情 講世俗的話語 　星袂發光的時 　雲揣無存在的意義 　世事若項項公平 　詩人會當創啥物 詩人會當創啥物 　監獄若無犯人 　坐監若毋是苦難 正義就揣無存在的意義 詩人若無流浪 詩句有啥意義 流浪的心閣較流浪 罪惡是啥物 性命是啥物 流浪的詩人 　揣無寫詩的理由 正義無意義 上帝無意義 意義嘛無意義 〈駛船〉陳雷（十七） 人生是一隻出帆的小船， 佇世事的大海行毋知的水路， 載感情的重貨駛起落的波浪， 好天歹天，出日落雨。 經過死亡的港口， 毋是咱欲去的目的地， 神的海關一律檢查； 愛、恨、失望，期待… 歡喜、痛苦、思念，毋甘… 生的產品袂使進口， 攏總沒收， 嘛不准回航。 〈離家〉Ji?t-tiōng（十八） 身佇淡水 思念著故鄉 伊按呢講 八月十五彼一暝 坐尾幫車 離開細漢的塗埆厝 閣佇鐵枝路的 毋是放捒散食的心情 是爸母心酸的珠淚 無成功無轉來 一句話 縛佇心肝頭 縛到頭虛頭毛白 踏佇故鄉相的田園 伊講 身佇淡水 思念著故鄉 〈一本舊冊〉B?n-ing（十九） 借這本古早你看過的舊冊 我進入去古早的世間內底 佮彼陣的你相捌 彼陣的你，一步一跤印 坐落來佮你做伙欣賞世界名畫 毋但感受著你的喘氣 連畫中的人，的頭毛 　　的笑容，的動作?…… 攏佇我心中活起來 雖然是一本小小、舊舊的畫冊 印刷嘛足粗魯 毋過遮的畫愈看愈媠 親像一塊吸石，深深吸引我 因為伊內底毋但藏有藝術的性命 閣有你古早人的跤步，心魂追求藝術的血汗 〈履歷表〉吳正任（二十） 有啥物功夫盡展 予人秤看幾斤重? 紹介家己 連厝內大細 嘛愛做一个交代 親像規身軀褪甲白白 據在人看 遐爾仔礙虐 寄出去進前 揀一張較少年的 相片貼起去 安慰家己：看較開咧 毋過目睭仁 　　猶原有心事 頭殼額仔罩一沿風霜 半世人，親像一部小說 攏濃縮佇遮 閣毋知，結局按怎