台語成語.PDF

台南市 105 年閩南語認證加強班教材 黃良成 講義 台語成語 台灣俗諺語非常濟，華語成語四字一句的結構其實佇台語語詞內底嘛真濟，咱就以俗諺語的四字句 抑是四字的語詞 抾起來研究，袂傷長袂傷短，拄拄仔好，咱逐家做伙來參考一下，媠氣文雅嘛真心適！ 其中有一寡仔華語成語，因為通俗普遍 ，所以嘛成做台語用 文讀音慣勢出口成章的語句。咱嘛共抾起來學習 ，佇咱 生活當中，老一輩會提起來咧共咱囝兒序細教示 ，這就是台語的 文化。若有 【】符號是相對應的華語成語。 編號 台語成語 運用語詞學講話 【造句 】 1 一表人才 伊生做一表人才，誠濟查某囡仔攏真佮意。 2 一兼二顧 一兼二顧，摸蜊仔兼洗褲，這款好空的代誌，後改毋通袂記得通知。 【一舉兩得】 3 一見鍾情 熟似的所在蹛落來。 4 人情世事 出社會矣，一寡人情世事就愛佮人交陪。 5 大舌興喋 大舌興喋(thi̍h) ，啊袂曉較恬咧，真正攏毋知好歹勢 。 【不知藏拙】 6 大主大意 咱毋通大主大意，猶是共序大人講一下較好。 【擅作主張 】 7 不三不四 你毋通交彼寡仔不三不四的朋友。 8 不答不七 你莫見講攏是一寡不答不七的話。 9 火燒罟寮 火燒罟寮全無網(望) ，這聲攏去了了矣。 10 牛聲馬喉 牛聲馬喉乞食調 ，欲叫我唱歌敢會聽得。 11 歹瓜厚子 真正是歹瓜厚子，歹人厚言語 ，你毋通佇遐講別人的是非。 【搬弄是非 】 12 歹囝飼爸 1.伊過去歹囝浪蕩，好佳哉爸母無共放棄，大漢了後比遐的兄弟閣較有孝，真是歹囝飼爸。 2.歹囝飼爸，好囝走去佗位(tueh) ？做好囝的子弟，求取功名咧好過，管待伊父母佇厝裡咧連 回 ，這款囝兒是窒倒街，你敢欲 ！ [連回：因為身世淒涼，悲慘落魄，而到處流浪。] 瑞峰國小校長室 1050612 編 1 台南市 105 年閩南語認證加強班教材 黃良成 講義 13 手下留情 我拄才學無偌久爾，你欲交(kiau)我比賽，就愛手下留情呢！ 14 手梳攑懸 請你手梳攑懸(tshiú-se-gia̍h-kuân) ，原諒阮囝的不是，我轉去會好好共教示 。【高抬貴手】 15 引鬼入宅 你這是引鬼入宅 ，敢若倩賊顧更 、倩鬼拆藥單仝款，是自揣死路啦。【引狼入室】 16 正摳倒削 伊真共人正摳倒削 ，譬相甲無一塊好 。【冷嘲熱諷】 17 年久月深 1.年久月深一直粒積，伊的田園厝地有幾若甲。2.老人症頭痠骨輪疼骨節，年久月深無好醫矣 ！ 18 有耳無喙 囡仔人有耳無喙 ，恬恬聽就好，毋通一支喙糊瘰瘰 。 19 有空無榫 1.阿明人誠古意，袂舞遐的有空無榫的代誌。 2.你莫變遐的有空無榫的代誌，較照起工咧！ 20 死坐活食 伊干焦死坐活食，無欲討趁 ，會抾捔啦！【好吃懶做】 21 死豬鎮砧 薪水欲領，工課毋做，敢若死豬鎮砧無欲徙位 ，鎮地啦！ 【尸位素餐 】 22 含血霧天 你毋通按呢含血霧天，冤枉好人，想欲白白布染甲烏 ，才甘願是無？ 【含血噴人 】 23 收跤洗手 少年時無細膩行入烏暗的江湖，刀光劍影心驚惶，到中年矣，決心收跤洗手，拚事業趁錢飼某囝。 24 弄狗相咬 彼个人歹心行，弄狗相咬(lōng-káu-sio-kā)害人冤家。 【煽風點火 、挑撥離間 】 25 吵 家抐宅 你莫按呢逐工吵家抐宅(lā-the̍h) ，吵甲厝內袂安寧。 26 刣雞教猴 咱政府著愛刣雞教猴，才袂予歹人有樣看樣 ，為非糝做。【殺雞儆猴】 27 步罡踏斗 彼的道士好功夫，會曉催符唸咒、步罡(pōo-kong)踏斗 ，真有二步七仔。 28 阿里不達 1.嚴官府出厚賊；嚴爸母出