单元一：甘蔗乐园（诏安）.PDF

一、蔗个樂園 烏昏像火紅紅个日頭掛在頭前，若像真青狂在䀴，為接落來 个歇熱生活敨大氣。 「阿依~~你拁阿怙仔講啦 ！歇熱个逐日會乖乖、毋會懶尸。」 期待頭尾一兜仔个希望 ，對專心到入神拁方向盤揢緪緪个阿依求 情。 「毋好吵 ！」阿依直頭䀴頭前个路 ，這係一條細細條个車路，捭 手裡係歸片「高高个野草」，正手裡有一條溝子，恁个路對阿依來講 ， 有影係高難度。䀴阿依驚到無外討插 ，「唉 ！」只好敨真大一口 氣 ，歸個人向椅背倒。 「早早拁你怙仔講過，你恁牛，敢有法度照顧老儕？莫舞麼个 齣頭得人，害你伯公頭疾，人即謝天謝地啊 ！」阿依真同情䀴一 目。 「阿依 ！你恁講 ，阿怙一定講 ：『所以這個細子擱較愛接受魔鬼 訓練。』」唉 ！嘴著面講心肝著面想，阿依恁做敢係拁鬥求情？ 根本係打落水狗 ，屋下阿怙總感覺在屋下傷好過，茶來開嘴，飯 來伸手 ，所以在國小頭尾一個歇熱愛去照顧「伯公」。 這個伯公鬥底係哪號人物？一溜無䀴過佢 ，正知佢係阿公个 「結拜兄弟」、「換帖个」，係著共一領褲大漢个 。學期尾阿公一通電 話下令，阿怙黏時講好。阿公一向真惜，這擺仰子反形啊？愛轉 莊下受罪。 「記得你怙仔規定个：逐日愛打一通電話轉屋下，愛早起、愛自 家洗碗洗衫……。」阿依念个念个，好定泥車緊急煞車，舞到頭暈 腦脹 ，向前一䀴，幾時係一隻黃狗在路中央閒閒寬寬行 。 「叭──叭── ！」阿依輕輕擫一下喇叭，無想著這隻黃狗斡頭 來䀴望阿依，歸面無在信，擱拁車路當作佢个屋下。這係麼个所在啊？ 和狗嘛毋知好讓路？阿依擋恬車，即在路中央䀴狗个屎朏，搖啊搖 ， 一步步向前行，行了十外公尺若像過願啊，正雄雄向邊脣个「野草墩」 鑽入去 。 「怪啊 ！這个人仰子得草發恁高？」 「麼个草？」阿依若像䀴著外星人共款 ，「遐係蔗 ！」阿依頭搖 搖 ，接了一句 ：「你怙仔係著个 ，人傷少渡你轉舊屋啊 ，供了一個 『莊下戇』和蔗攏毋會認个。」 這兜蔗係四湖个主要作物，大片大片个蔗園闊茫茫，啊這個「莊 下戇」嗄毋識廬山真面目，哼 ！係蔗毋認得啦 ！䀴密密密个蔗，蔗 園深深个所在係麼个在停動？親像係一雙雙發光个紅目珠，遐係麼个？ 心肝內真興个氣泡一個又一個浡出來。 「歇車 ！」對阿依大聲喝，「阿依 ，你係仰子駛車个？仰子好 定泥傱向蔗園？」阿依驚到隨大力蹬車擋，舞到車擋恬了後，佇毋 會核開車門 ，向遐一雙雙个紅目珠行去，「汪 ！」係一大陣狗 ，其 中一隻大狗講事啊 ：「歡迎來到蔗个樂園 ！」仰子聽知「狗事」？ 即在起疑个時，對嘴發出个係「汪汪汪 ！」幾時毋係聽知狗事 ， 嗄係變成一隻狗啊 。 根本毋會赴思考鬥底係仰子，這陣狗朋友早即向頭前走 ， 「行行行 ！ 人去尞 ！」 「去尞進前 ，愛先尋狗老大報到。」烏狗在吠。 「汪 ！汪 ！」猶个狗作垺應聲 。 跈狗朋友在蔗園內行上行落，蹬軟軟个泥，垂落个蔗葉掃過膴 身，撓撓癢癢 ，得感受著毋識體驗過个刺激 ！ 「狗老大在頭前 ！」烏狗像係巡邏隊長共款發落第一手資訊，「擋 恬 ！」 這個狗老大䀴起來仰子恁熟面？敢毋即係？即係遐隻「擋路狗」， 在路搖搖晃晃遶尞 ，毋管車个遐隻青狂狗。 「 人多一個新伴？歡迎你加入 ，細子，你喊做麼个名？」狗老 大斟酌拁䀴 ，遐目神威嚴內底擱有豪氣，有影係狗老大 ！ 「喊做吳弘鈞，偏名緣投鈞 ！」講煞伸手想討撥个瀏海，這 係个招牌動作，毋過正碰著額頭即發現係一隻短毛狗，幾時有「瀏 海」，真想討有一面鏡，䀴望變做狗个係麼个形 ，應當嘛係一隻緣 投狗 ！ 狗老大一目䀴破个心思 ，講 ：「你真緣投 ，多訓練 ，漢草會擱 較好 ！」接落又講 ：「你人吳家在四湖鄉有大勢力 ，乾隆年間你人个 祖先對福建飄洋過海，到四湖海脣開墾、蹛落 ，遐時个生活艱難 ，蹛 个係舊陋个草屋，供羊過生活，討飼飽屎肚無簡單，敢猶會用撥瀏海 展風神？」 得狗老大一講，个面攏紅啊 ，好得歸身狗毛，面紅毋會得人發 現 。 「吳家子弟食苦耐勞，正有法度在這個荒野个所在生活，仰子吳 家後代恁『㜮』？」狗老大著面搖頭著面講。 麼个？講緣投鈞「㜮」？係百米人，提著臺北市小學運動 會一百公尺走相捎冠軍个高手 ，恁䀴毋會起？ 「敢討相？」