民间故事 台南野元生，〈唐朝杨贵妃传(二)〉，《语苑》，v17n4，1924.DOC

民間故事 臺南野元生，〈唐朝楊貴妃傳(二)〉，《語苑》，v17n4，1924(大正13年)/4/15，p.56-60。 【原文】 【全羅文改寫】 唐朝楊貴妃傳(二)　　臺南野元生 Tn?g-t?su I?nn-khì-hui tuān(jī) Tai-lam Iá-guan-sing 最可憐都是霏翠的樓臺、來貯彼號妖嬌的婦人、鴛鴦的亭榭、來收藏彼號好技骨、好體態的女子、歡喜暢樂、暝=準做日、暗=樂到光、不時在絃管=歌舞=鬧動的中間、連漁陽=戰皷的聲、安祿山造反的消息、攏無聽=見、攏不知影、致到亡身誤國、江山險倒壞=去、講起來眞是令人不堪吐一下氣而已、這就是有無裡的結果=了。 講起到此個玄宗皇帝、人稱伊唐明皇、算是唐朝的明君、伊自平定韋皇后的反亂了後、就豋極做皇帝、一味崇重節儉、一切明珠寶玉、吳地出名的綵繡、蜀地出名的錦綢、攏總搬=出=來、提去未央殿前、化火燒々=去、又更再開放成千個宮女、給伊出宮去配人、伊的行政的好成績、差不多與太宗皇帝、貞觀時的政治能比並得、按怎樣自姚崇宋璟、此二個好宰相、前後相接死失=去、朝內續無明臣、玄宗皇帝亦坐眞久了、地方又安靜、續怠慢政事、續無謹慎、漸々學習奢華、更好色慾、寵愛婦女、一日=一日加多、預先有一個武惠妃、面貌粹到若花咧、身腰賴=到若抑咧、一下看=見親像古詩所講、通陽城的人都被伊迷=去、更看一下、通下蔡的人都攏欣羨=伊、玄宗皇帝自然眞愛=伊、眞得寵=伊、遂信伊的讒言、廢皇后王=氏、甚至太子瑛、及到鄂王光王、通天界下、無一個無驚駭吐氣、無想講惠妃亦因為生產後、忽然急症死=去、眞々親像鏡內的彩鸞、竟然飛對茫々渺々的中間去了、到這三十六宮無更有一個美色、所有惠妃舊時在粧的粧飾物、舊時在照菱花鏡、干乾惹起玄宗的悲愁哀傷而已、奸臣高力士算是太監頭、不時跟在玄宗的身邊、就上奏勸玄宗講、天下多美人四界選俾多々、來豫備皇上身邊可用、較粹亦是有、因為如此、玄宗皇帝心肝一動、就降聖旨、使人採取民間的美女、將來引出安祿山竪旗謀反、鬧出漁陽的戰皷、致到落難着走西蜀、已經在此時迸芽了、何必着等待到開元天寶以後、即知影有禍事耶。 Siong khò-lian ê tō-sī hui-tshuì ê lau-tai, lai tè hit-hō iau-kiau ê hū-j?n, uan-iunn ê t?ng-siā, lai siu-ts?ng hit-hō hó ki-kut, hó thé-thài ê lú-tsú, huann-hí tiòng-lo?k, mê tsún-tsò ji?t, àm-lo?k kàu kng, put-s? teh hian-kuán kua-bú nāu-tōng ê tiong-kan, lian h?-i?ng tsiàn-kóo ě siann, An Lo?k-san tsō-huán ê siau-sit, l?ng b? thiann-kìnn, lóng m? tsai-iánn, tì làu b?ng-sin ngōo-kok, kang-san hiám tó-hāi--khì, kóng--khí-kai, tsin-sī līng lang put-kham thòo tsi?t ē khuì nia, tse tō sī ū ts?ng b? lí ê kiat-kó--loh. Kóng-khí tsit ê Hian-tsong h?ng-tè, lang tshing i Tn?g-b?ng-h?ng, s?g-sī Tn?g-tiau ê b?ng-kun, i tsū p?ng-tīng U? h?ng-hiō ê huán-luān liáu-āu, tō ting-kik tsò h?ng-tè, it-māi ts?ng-tiōng kh?n-khiām, it-tshè b?n-tsu pó-gio?h, Ng?o-tē tshut-mia ê tshái-siù, Sio?k-tē tshut-mia ê kím-ti?, lóng-tsóng puann-tshut-lai, thê khì Bī-iong-tiān-ts?ng, huà-hué sio-sio-khì, iū koh tsài khai-hòng tsiann tshing ê kiong-kú, hōo i tshut-kiong khì phuè--lang. I ê h?ng-tsìng ê hó s?ng-tsik, tsha-put-to kah thài-tsong h?ng-tè, tsin-kuan s? ê tsìng-tì l?ng pí-pīng-tit, àn-tsuánn-iūnn tsū Iau Ts?ng, Sòng