台语散文写作分享二.DOC

台語散文寫作分享─文學技巧練習舉要 林文平 台語佮台語文學 了解文學語言的特性真重要，咱來看下面例： 日常語言 科學用語 文學語言 放屁 排氣 尻川咧唱五種氣味的歌 練習曲 食飯 一池清水 風對山墘吹過來 2.意象虛實練習 意象這个名詞真歹解說，咱來用白靈《一首詩的誕生》的觀點來做練習： 意 象 虛 實 情 境 理 情 事 物 抽象 具體 練習曲 燒燙燙的暗頓 燒燙燙的幸福 釣規下晡的魚 釣歸下晡的恬靜 規心肝頭的悲傷 用心火燉(tīm)的一鍋悲傷 一枝粉筆佇烏枋磨甲吱吱響 月娘照門埕 門扑開，予風吹入來 3.台語句讀加鮮奶─生份化(defamiliarization)練習 A.語詞生份化 生份化強調對抗語言，扑破咱對文字固定反應，重改揣著新的感覺，創造新感性。 雨滴 雨屑仔 雨水 雨索(仔) 雨幼仔 雨針 心肝頭 心田 心 心海 心肝窟仔 心槽 練習曲1 風 練習曲2 山 B.生份化造句 咱的愛是用上陳年的情磚疊起來的。 春天一下到，所有花草攏開始繁華伊的繁華。 練習曲 4.台文會振動─動詞的妙用 ◎種一款堅定/等風 等雲/等鄉愁 (林文平〈讀山〉) ◎我共記持捘予礁 (林文平〈囝仔時〉) ◎月光潑入來，淹入去上深上深的思念的內底。 練習曲 5.筆刀切一半，文章真好看─分寫技巧練習 分寫著是將1个畫面分割成2个畫面的一種技巧，親像： ◎ 山路彎彎曲曲，有時倒手爿的目睭咧讀水，正手爿的目睭咧念山，有時倒手咧掀一頁一頁的山，正手爿的目睭咧點畫一逝一逝的水。 (翻自張曉風〈常長，想起那座山〉) (一般句：山路彎彎曲曲，所有的山山水水攏收入去目睭內，媠甲無法度講。) 正跤猶踏佇熱天，倒跤著行入去新秋。 樓跤有人用熱情咧喝咻，樓頂煞有人咧呸瀾。 練習曲 6.看著是歌聲，鼻著攏是五花十色─移覺技巧練習 移覺是將各種感受(視覺、聽覺、嗅覺、味覺、觸覺)做合理的相通，創造出新句的技巧，親像： ◎ 風的聲哨是烏白的，佇冬風吹來的麥寮海邊。 ◎ 大聲唱！大聲唱！唱出青春的氣味。 ◎ 故鄉的碎片總會佇三更暝半，用加ecoh的聲調，楸一條長長的思念。 ◎ 這隻蠓仔真雄，予叮著了後，規身軀攏hiam起來。 練習曲 7.美麗的錯誤─矛盾詞造句練習矛盾詞是將2个對立的概念結合做伙，創造出予人驚喜抑是驚惶的句讀，親像： ◎ 散甲偆一堆錢。 ◎ 充滿祝福的咒讖。(張曉風 句) ◎ 上好額的散赤人。 ◎ 攏咧懷念火車來來去去的平靜。 練習曲 8.句讀句鬥─詞組練習 詞組是句佮詞之間的單位，主要由加語、連詞佮端語三部分組成，親像「時間的芳味」時間是加語，的是連詞，芳味是端語。 A. 具體 的 具體 土地 目睭 山 跤頭窩 B 抽象 的 抽象 貴蔘蔘 哀愁 生份 歡喜 C 抽象 的 具體 歲月 皺痕 悲傷 接縫 參考書目 白靈《一首詩的誕生》 九歌出版社 張春榮《一把文學的梯子》 爾雅出版社 張春榮《一扇文學的新窗》 爾雅出版社 張春榮《文學創作的途徑》 爾雅出版社林文平《時間个芳味》 百合文化出版社 林文平《用美濃寫的一首詩》 台文戰線雜誌社 林文平的台語散文分享 我永遠的184 真濟人講台灣是寶島，因為伊四季如春，足184公路是一條長長的大索，將故鄉佮旗山結做伙，嘛注定我這段時間的人生風景。 會記得上班的頭一工，我提早出門，機車浸佇184公路的打馬膠路頂，一港風對面sim3過來，一種加「est」的清爽，佇我的毛管孔鑽來鑽去。我相信這港風毋是楚王獨享的雄風，但是此時此刻，這港風確實是我「會員獨享」的清風。這是摻一點仔荖濃溪的水氣，搧佇十八羅漢山的山壁，回摳轉來的風，熱184公路才有。 差不多和我仝沿的人，細漢的時應該攏有和西北雨走相迮的經驗，彼是真刺激的一種人生經驗，一世人攏袂放袂記得。佇遮，下課的時嘛不時會拄著西北雨。每擺過晝若拄著烏天暗地，我心內著有譜仔。經過幾擺經驗，我顛倒期待西北雨，因為用機車佮西北雨走相迮，彼擱卡使人難忘。俗語講：「烏雲飛入山，棕蓑提來幔。」鐵齒我，明知184公路才有。 白露以後，第一批來過冬的伯勞仔，佇蓮霧園內「吱」落一片一片的樹葉；菅芒手牽手，用白色的溫柔，共荖濃