(谨此鸣谢冼伟珊为此剧本打印).pdf

班 長 天主教聖母聖心小學 ( 下午校) 陳:(有點拘謹）各位同學，你地好，我姓陳，係你地既班主任……今日就係開學 日呀，不如我地互相認識下先，就咁啦，你地一個一個介紹下自己比陳先生識， 好唔好？……就你先啦！……（很不自在）……你叫乜野名？(甲學生很細聲 的說了)……聽唔到呀，再講一次呀！……下，大聲小小呀！(甲學生哭了)你 唔好喊啦！唔記得個名就算啦！乖啦，唔好喊啦！……（攪唔惦）班長 肥:先生未選班長喎 陳:未選班長呀！(向肥仔)咁你做住先啦，你幫我帶佢去洗個面先！ 肥:我唔知洗手間係邊度喎?! 陳: 唔知洗手間係邊度？你新黎嫁 ，（醒起）係播，你地一年班咋喎！……咁邊個 知道洗手間係邊呀！(乙同學舉手)咁你帶佢去洗手間啦！ 乙:先生,我又要做班長! 陳: 咁呀，你都做住班長先啦。 肥: 咁我呢? 陳:你？！（指肥仔）你唔係班長啦 ，（向乙）你帶佢去呀！(肥仔哭）喂，你做乜 喊呀！……好啦，好啦，咁你都做埋班長啦，(指肥仔)你做正，你做副啦！你 順便去洗手間洗埋個面呀下，乘呀下！（三人出去）（自圓其說）第二日我都 會識你地嫁啦，不如我首先介紹下自己啦，我教你地中文，英文同埋音樂 既！……其實我上堂好自由嫁，祇要你地乘乘地坐係度，唔講野，唔同同學玩， 留心，聽先生話，勤力讀書，守秩序，有禮貌，尊敬先生就得嫁啦！（A 學生 舉手）乜野事呀 A: 你幾多歲呀 陳:我…我今年 21 歲 B: 你有幾兄弟妹妹呀 陳; 四兄弟姊妹，我排第一既， C: 有無老公呀 陳:我未結婚 D: 個仔幾大呀 陳:傻既，先生未結婚邊度有 BB 呀 E: 離左婚未呀 陳:未結婚又邊會離婚嫁！ F: 先生,佢賴尿呀 陳:徬徨）呀賴尿……邊果呀！（行近 G）你賴尿呀……（放心）唔係(G 同學細聲 陳建順 班長 第四版 10-1-99 (謹此鳴謝冼偉珊為此劇本打印) 1 地說了)…賴…賴…屎…（少許歇斯底理）呀！……有邊個同學識得去搵呀嬸 呀！(丙同學舉手)你去啦，快 D 呀！ 丙:先生我都想做班長 陳:乜野話!好啦，好啦！你就做第三號班長啦！ （立刻抽離）就咁樣，我個班一年班就選左三個班長。正班長係個肥仔嘜，叫親 佢做野就驚驚青青，講多兩句就 Mark大喉喊，想炒佢魷魚，又驚傷害佢自尊 心，暗示佢自動辭職就暗示極佢都唔明，總之比佢激到你死。 （上音樂堂）拿，全部跟我拍，（拍起音樂節奏），他他他呀……他他鐵鐵他…… 他(A 同學舉手)乜野事呀，(A 做出非常急的動作)…要去痾……廁所……好 啦…他他，(肥仔舉手)又乜野事呀！ 肥:先生,我要去…好急呀 陳:真係好急呀……咁你去啦！拿，我地再黎過……（怒視）（因全班都舉手）放 低手，去廁所既全部放低手！他鐵鐵鐵鐵他！……（E 同學舉手）去廁所 呀？！……唔係呀嗎？！咁乜事呀， E: 先生,佢(指 H)瘀我 陳:(向H)你做乜野瘀佢呀 H: 無呀 陳:(又向 E)佢點瘀你呀？！ E: 佢瘀咁瘀我羅！ 陳:怒目而視）咁你一陣間小息既時候就瘀咁瘀番佢啦！坐低（J 舉手） 你又想告人呀！ J: 唔係呀 陳: 唔係告人？舉手做乜呀，坐低！再黎過，他他…喂…喂，你做乜野去完廁唔著 褲呀！ A: 被班長除左 陳:死肥仔！……(此時,肥仔入)肥仔！……班長，你埋黎！……你做過 D 乜野 黎！ 肥:痾尿 陳:我知呀，我係問你同佢做過 D 乜野呀！佢條褲呢！ (肥哭) 陳:你唔好喊呀，你咪喊呀，你敢喊呀啦，喊親呀！你喊呀，你喊呀！ 肥:(含糊地說了一句) 陳建順 班長 第四版 10-1-99 (謹此鳴謝冼偉珊為此劇本打印) 2 陳: 啊，佢 Fer濕……，痾到你，你都唔應該剝左人地條褲嫁，咪最多 Fer番…… 話比先生聽囉！點可以剝左人條褲嫁！囉本家課冊比我，我要見下你媽咪！ (抽離) 阿黃太呀！你個仔呀，真係比佢激死嫁。上堂像霧又像花，成舊雲咁， D 功課又唔掂，佢交係交齊呀，但係入面就一塌糊塗，寫中文就寫到好似英文 咁！英文抄左題目就無做答案啦！抄書簿就連簿皮都唔見左，本作業就好似條 鹹魚咁，又霉又爛，總之烏利單刀啦！唉！…唉，阿黃太！…你！…你唔好