06年客家语朗读文章_海陆腔高中-106全国语文竞赛.DOC

106年全國語文競賽客家語朗讀文章高中學生組（海陸腔） 編號1號 【??个隔壁鄰舍】黃詩婷原作 人講：「近鄰贏過遠親！」確實毋會差，俚生活當中，盡多事情無辦法單人獨馬去完成，需要隔壁鄰舍來??手，所以，戴在上家下屋會相照顧个社區，係盡幸福个。 戴在??上屋个人，大人細子都盡良善，對人盡好。該做阿婆儕，堵著熟事人都係開容笑面个相借問，看著生份人，乜會摎佢頷頭，打招呼！佢兩公婆，無論莊肚麼人屋下做好事、也係歪事，無就廟肚做鬧熱，都會義務踏過去??手，對上鄰下舍乜當親切，當有人緣，大家都盡好摎佢兜打嘴鼓。厥倈仔、心臼盡賢孝，畜个細人仔，講話細聲細義，當有禮貌，盡知人我、知上下，分大家盡安??！ 戴在??屋下對面个阿伯婆當煞猛種菜，逐日臨暗仔都會去菜園淋菜，佢講，自家菜園種个菜無農藥，又當萋，食起來較安心！所以，逐擺有收成，都會送菜分??兜煮來食。 斜對面个阿伯公盡樂天，生活態度係「手痛好過家，腳痛好繡花。」輒常會看著佢在禾埕町，坐到矮凳頂挨弦仔、唱山歌，分人聽到盡爽快，無愁無慮！成時，??乜會跈等??公過家去佢屋下泡茶、尞涼，聽佢兜講古，感覺著盡生趣，分??體會著「敬老得福，敬禾得穀」个道理。 毋過，戴在??下屋个人，煩惱忒多！兩個倈仔盡毋聽人講、毋像人，兩兄弟歸日仔吵吵鬧鬧，冤家羅債，惡擎擎仔，還長透相打泌背。做爺哀个講無兩句，佢兜就頸偏偏仔、目抌抌仔，像愛食人樣，連厥爸、厥姆都毋敢管教，長下閼到胲滿肚飽，正經係「敢死，閻羅王都驚。」毋單淨影響著莊肚个安寧，大家乜心寒膽顫，堵著恁樣个鄰舍，實在愛有相當个度量。 除忒該家人，??个隔壁鄰舍大體都會互相照顧，放尞日出門，乜會??手掌屋。逐禮拜六朝晨頭，還看得著當多義工阿伯摎伯姆，擎等祛把摎畚斗，在該掃大路、拚垃圾、清水溝！表現出大家團結合作、愛護社區个精神！若係莊肚辦活動，廟坪做大戲、打醮、迎神做鬧熱个時節，大家會同心協力、互相幫忙鬥鬧熱。 106年全國語文競賽客家語朗讀文章高中學生組（海陸腔） 編號2號 【毋會烏忒个一葩火】黃碧清原作 逐儕人心肚就有一盞光光个燈火，??乜有一盞燈火囥在心肝頭，這葩跈??既經當多年个燈火，緊來緊光。 小學畢業該年家鄉還吂有國中，所以學區分到「」，見堵著落水，準講水毛仔車枋就停駛，上下課時無赴著車枋，就愛用行路去學校抑係轉屋，這一行少講乜愛三點零鐘，實在有罅遠。記得正開學三個零月時，有一日，因為英文課大家無認真，歸班仔分先生留下來複習。??毋敢摎先生講愛赴車，戇戇噹噹跈大家共下到五點下課，煞煞三步打做兩步飛等去赴車，走到兩腳無搭地、行到氣凹凹1，到車頭該時車仔早就走忒咧！人生路不熟，天色緊來緊暗，仰結煞正好？ 堵好有一枋往苗栗个車枋，煞煞上車到銅鑼盤車，轉到雞隆仔既經七點零，天時早就斷烏咧。山路彎彎斡斡無電火，轉屋个路暗疏疏，風个細話仔摎狗吠聲摻等夜色陪??慢慢行。一儕人孤孤栖栖行到強強就愛噭出來个時節，遠遠看著一點光搖搖擺擺緊來緊兼，耳空脣接等聽著「阿清仔」，咦？熟事个聲音！電火慢慢仔停在??个面前，係阿爸！ 話講臨暗仔日頭漸漸沉落山背，妹仔仰還吂轉屋呢？阿爸愁到連飯也無食，擎等手電筒就來車頭接厥滿女。看到阿爸个當下，含等目汁濛忒个目珠看路就毋著，??當感心，細細聲講：「阿爸，承蒙你！」阿爸擎等手電筒恬恬仔在??後背陪等慢慢行，轉到屋，看著阿爸烏金色个面町淺淺个笑容，該係安心。屋下人平安坐等共下食飯，幸福个味緒醹到化毋開！ 自??知人我來阿爸罕得笑，還細時看著會驚，到??畢業在外背食頭路、結婚做哀仔，漸漸感覺著爺哀惜子个心。在外國食頭路該幾年，思念陪等??在異鄉个逐隻黃昏、暗夜。愐著阿爸參加??个畢業典禮，放下山事往回三點鐘路程來參加家長會，借自行車載??去分先生看。阿爸个愛一點一滴填淰思念个心，阿爸个叮嚀像天頂一??一??个星仔，點光??个人生路。阿爸來接??个這葩電火，陪等??行過礫礫矻矻2，行正逐步腳。這葩思念个燈火，在??心肝肚緊來緊光，係一葩毋會烏忒个光明燈。 106年全國語文競賽客家語朗讀文章高中學生組（海陸腔） 編號3號 【阿爸个自行車】鄒瑞梅原作 阿爸个雜貨店，開在莊頭，店頭常下放一臺烏?烏?个自行車。 阿爸个雜貨店細細間仔，雖然看起來毋打眼，但係賣當多東西，柴米油鹽醬醋茶項項有，茶箍、面盆、掃把也不少，還有細人仔好食个零嗒。店面細罔細，店亭下个位所也無打爽，阿姆好手藝，熱天賣透心涼个仙草冰，冷天賣燒熝熝个豆腐花，人客歸日啁啁滾，長透有老主顧尖尖揫在店頭看電視、打嘴古，無論麼个大小事情，大家就在店頭講，像係細叔婆做生日、王屋嫁妹仔、阿德伯討心臼，上屋下屋麼儕愛蒔田割禾，阿爸第一先知，嗄變做莊頭个報馬仔。 歸莊頭講起來，阿爸一等煞猛，無論係發風落水，抑係日頭烈烈，長年透天都無放尞，逐日開店門做生理。店肚係有欠麼个雜貨，就黏皮騎等自行