年全國語文競賽臺灣客家語朗讀稿（北四縣腔）.doc

105年全國語文競賽客家語朗讀文章國小學生組（大埔腔） 編號1號 【吾姆】古美珠原作 吾姆，厥面圓圓，頭那毛當長，有一雙當圓又當金个目珠，看著人斯笑咪咪，生來已靚、已竳線，係一個有愛心又有耐心个人。平常時，除撇照顧吾等三姊妹，對吾爹、吾奶也當有孝，親戚朋友、隔壁鄰舍，通體安??佢係一個當賢慧个婦人家。雖然屋家毋係已好額，毋過佢有客人刻苦耐勞个美德，勤儉傳家个精神，總係同屋家拚都淨淨俐俐，整理好勢好勢，佢講：「毋驚屋家匱，大細有笑容，??斯當滿足了。」 吾姆會煮已多好食个客家料理，像菜脯卵、芹菜炒魷魚、木米炒黃梨、鹹菜湯這兜，還有??盡愛食个爌肉。佢當緊手，逐擺大姑同二姑來屋家个時節，佢會煮歸桌大家好食个客家菜，分大家食。 記得吾姆識講過，愛出頭天定著愛認真讀書，雖然吾等三姊妹係細妹，毋過，佢對吾等个教育已用心，毋會儘儘採採，放學轉去，佢定著愛吾等將功課寫撇正使得出去尞。記得有一擺，??為著愛出去尞，字斯儘採畫畫啊咧，一下斯瀉出去，吾姆看著斯砰砰滾講：「鬼畫符个樣，搞得著來食咩？寫个麼个字？對頭寫過！」佢愛??做事情，慢慢來，毋好鬥緊。心愛靜、手愛穩，寫字做事絕對使毋得儘採。到今，??寫字還係規規矩矩，定定來，寫都靚靚，別人看了欣賞，??自家看了乜歡喜。 吾姆除撇會要求學校个功課愛做好以外，佢對吾等个家教乜當重視，像掃地泥、抺桌凳、洗碗這兜，連食飯擎筷，通體都愛做來確確實實，吾姆對吾等講：「屋愛朝朝掃，田愛日日到，書愛時時讀！」又講：「一日學習一日功，一日毋學十日空！」斯係愛??認真讀書。另外在??破病个時節，佢會日合夜照顧??，天時轉涼，乜會喊??著加一領衫。 這下，??愛勞瀝吾姆，伸出佢燒暖个雙手，牽核??向前行。??愛吾姆，??定著愛聽吾姆个話，認真讀書，做一個規規矩矩，正正當當个人，來報答厥个恩情。 105年全國語文競賽客家語朗讀文章國小學生組（大埔腔） 編號2號 【牛角會轉彎】謝惠如原作 「牛角會轉彎」係莊肚流傳已久个故事。 聽講清朝時代，先民在六堆地區个內埔、竹田、萬巒這兜所在開墾土地，開墾初期，雜草、大樹生去哪都係，石頭礫礫矻矻、大細粒都有；該下為著愛開拓土地，逐家逐戶大體都有畜牛，所以「牛」斯變做盡有力个開墾助手。日時頭利用牛來犁田、耕作、做田坵肚个事，放工後，斯將牛牽到圳溝肚揾浴，無斯到河壩食水、洗身。 牛个砸磳同耐操、耐勞係一種盡基本乜係盡重要个條件，愛恁泥正有辦法分主人在該做田事个時節，使來較順，做事有效率。愛選一隻較砸磳、較好个牛，大部分係靠「牛販」。厥等為著做生理，不時都愛滿哪去打探，希望尋著使得買賣、條件較好个水牛。若係看著有合意个牛，主人又毋肯賣，會愐空愐路个牛販，斯會通透該兜專門偷牛个賊，利用暗晡頭下夜時節，用「偷」个方式來偷牽牛。 第二朝脣主人?床了後，發覺著水牛毋見撇了，斯會遽遽去衙門報案。清朝時期，衙門裡肚个師爺斯會拿出紙筆，根據主人个話，將牛个形體、樣相、牛角生長个彎度，詳詳細細畫出來，等尋著个時節，正使得核對。除撇報案以外，牛个主人自家乜會滿哪尋上尋落。 盡奇怪个事情斯係，厥等在牛販个牛欄肚認出自家个牛个時節，該頭牛乜會出聲頷頭應厥主人，毋過分厥等愐毋通个係，這隻牛明明係自家畜了三年零个，厥个目神、厥个牛桊鼻、還有厥个牛蹄這兜，從頭到尾看來都已熟，仰脣牛角个彎度無共樣呢？ 臨尾正聽人講該偷牛个賊有一種奇術，使得分這硬仃仃个牛角，一日之間轉彎，變都無共樣个角度，假使牛个主人尋著厥牛，乜毋敢相認，所以連官府乜奈厥等毋何。這下，這種牛角會轉彎个奇術，既經失傳了。 105年全國語文競賽客家語朗讀文章國小學生組（大埔腔） 編號3號 【】原作瘦薑、手腳像鉛線个樣，看起來身體無已砸。對歲過無幾久，阿姆斯帶??去三灣石哀該位，點香拜喏，祈求石哀賜絭分??戴，保護??康健，也分??平安。還記得細漢个時節，頸根項戴一條紅紅个絲線，串一個圓圓个東西，在吾身項晃啊晃，晃啊晃，緊晃??緊大，正知該圓圓有空个東西安做絭空錢，該紅紅个絲線斯安做絭索。 逐年石哀生該日，阿姆準備好牲儀，斯會帶??去三灣石哀該位拜喏。逐擺阿姆擺牲儀个時節，會喊??將頸根項个絭脫落來，擺在牲儀脣項。跈核，阿姆會點六支香，分??三支，佢自家留三支，共下拜天公、拜石哀、拜金爐該位个神明。半點鐘過撇，阿姆會面對石哀雙手合掌，細細聲同神明講話，??在脣項恬恬聽，當像係祈求石哀，分厥倈平安大漢个樣。金紙燒過，阿姆將舊个絭索換過新个，喊??同絭戴轉自家个頸根項，擐核牲儀，帶??轉屋家。 直直到十八歲也係二十歲，??既經毋記得咧！吾該條絭、石哀絭，也早都無在吾頸根項咧！聽老輩人講，細人若係講成人大漢（十六、十八或者二十歲）了後斯愛脫絭，準講還愛戴絭，神明也無法度保護你咧！毋過，佢還係會保護戴核絭、還吂成年个人喔！??胚想，神明係希望成年人自家保護自