从战斗到‘蜕’去战衣-明爱社区发展服务CaritasHongKong.PPT

完 * 就算合格都尚有差距；解釋外界為「社會及身邊人」 單親男性的價值重整 分享面對自己的問題/背後的期望(分享男性所面對的問題) 工：亞哲，你今日點呀？你個樣今日好唔得喎。 哲：無咩事呀。 安：有咩講出嚟喎。 哲：唔夠瞓啫。 工：唔夠瞓唔係原因既原因。 哲：啲錢銀未到，掹掹緊。四月未出，一過左十幾號就煩啲，要諗住點捱 埋剩返嗰十幾日。 工：係唔係月頭見到你會輕鬆啲啲？ 哲：都唔係架。又要諗吓有咩要買，有咩要支出。 工：有細路讀中學就開支大。 哲：係呀。 ***************** 工：但係你個樣仲係鬱住。 哲：梗係有啲嘢諗架啦。 工：咩令到你鬱住。 哲：驚啲細路哥就…… 工：你呀，唔好講啲細路。 哲：唔係好鍾意話攞呢份援助金架啦，係支援性，但係都係好想跳出呢個框框。 工：其實你個諗法同亞旦好似。 旦：係呀，你同我都好似。 工：亞旦，你有個老同呀。兩個咬住份工。睇你哋個樣其實你哋唔夠歡顏。你搵 到啲嘢同個仔女好開心，但係都唔夠開心。都好，你今日講咗你唔想攞呢個 　　援助，即係想自己攪掂。你同亞旦都係一樣。 哲：同路人嚟。 搵錢照顧兒子角色在作祟 (由情緒困擾中找尋背後的期望) 工：亞哲，你唔開心嘢未過喎。 哲：都儘量唔想去…想麻木，想避開佢。 工：但係佢總係搵啲”嗱”攝出嚟喎。 哲：聽佢講又會諗起自己嘢，唔通可以置身度外咩，唔會既。不過再續返佢 條路就唔會。死路一條咩。都係想出返嚟。每六個月上去社會福利署續 　　期，見到隔離條隊要出嚟搵嘢做，我都想排呀。深入就業，我都想搵 工。 工：你暫時唔駛架。 哲：係呀，我揍住個仔跖駛呀。 工：令你最強烈唔開心係咩呀？ 哲：啲細路唔聽話囉，啲細路有病痛時最擔心囉。佢哋有事整親要駛筆錢， 會好大負擔，雖然係有張紙唔駛錢，但係有事都係要好多錢。 工：你係唔係好唔開心，就算啲細路整親，我都無錢佢哋攪好佢。要靠嗰張 　　免費。 哲：唔係靠嗰張免費呀，係有事都要駛好多錢落去。 工：呢個固然係擔心啦，你以前俾得到呀。 哲：以前係俾得到呀。 工：你係唔係諗返以前呀？ 哲：有少少啦，以前好似喺個保護罩。有哂保險。 工：其實呢個唔開心係你定係啲細路？ 哲：係自己啦，佢哋要既要求我都儘量滿足佢哋架啦。有個陰影喺度。 工：陰影係咩呀？ 哲：陰影係……始終有啲錢銀，同埋都唔係淨係家庭以前嗰樣嘢。萬一我自　　己有咩事幹，我啲細路哥點呢？ 工：以前有無呢種擔心？ 哲：以前無，以前勇往直前，閂埋門出去搵錢，搵到錢就得。而家就佢哋最 　　親既人係我，如果有咩事點算。而家條路始終有啲陰影，都係啲細路。 反省照顧者與搵錢養家角色的衝突 (由期望中辨識男性所持的信念) T：係唔係呢排就係煩緊佢呢啲嘢呀？擔心佢？ 哲：少少啦。始終都係而家做個照顧者，始終都係唔同以前， 　　以前最緊要係搵到錢，但係而家就唔係啦，最緊要係睇住 　　兩個細路。 T：係唔係又擔心佢，又同時間要駛筆錢呀？ 哲：錢都係要駛架啦，搭車都要駛錢架啦。要配眼鏡，將來又 　　要…萬一有起時上嚟，要同佢去大口環骨科醫院，係要擔 　　心架啦。 T：係唔係所以呢排個樣咁苦呀。 哲：都唔會啦，苦都苦唔掂啦，呢啲係隨遇而安既啫。 T：都係擔心個小朋友。 哲：都係有少少擔心啦。 勳：因為始終驚等佢大啲，自己年紀大，無人請就死啦。 T：咁呢一種擔心，你覺得外間俾你大啲呀，定係你俾你自己既壓力大啲 　呢？ 哲：自己俾自己既大啲。外間你可以當睇唔到，聽唔到，你可以即係話隱 　　形，當外間世界上既隱形。但係最難解決係自己既心魔囉。而家咁困 　　難既時間，你唔係話唔想做，但係出面係唔係真係可以支持到你出去 　　做。 T：個心魔係唔係話你聽你應該出嚟做嘢？ 哲：都係架，會架。你而家咁空閒喺度做咩呀。睇書又睇唔到咁多，咁空 　　閒。而家唯有暫時當自己休養緊囉。暫時退休，明日再戰江湖。有呢 　　種心態架。我做都做咗咁耐，而家呢個時間都係俾自己抖抖，保養返 　　吓自己架啦。自己咁大年紀，當係charge電，等遲啲可以東山再起， 　　再戰江湖囉。 T：你自己都有期望啦。嗰社會有個角色期望，你應該搵嘢做，連你自己 都深信呢樣嘢。 哲：係呀，會深信架，暫時係一個棲息之所，一方面可以多啲照顧啲細 路，以前無照顧既，而家咪多啲溝通同關懷囉。以前老豆都唔知你哋 想點嘅，啊，而家知啦。 反思信念男人搵錢養兒的合理性及尋找另類信念 (反思信念的合理性及尋找另類信念) 工：反而係以前你做賺錢者，而家你就係照顧者，唔係賺錢者。你講吓，你做照 　　顧者唔係賺錢者。做照顧者都可以好開心架，亞勳做照顧者佢好開心，你都 　　講得到你做照顧者有開心，但係你個心就唔係咁開心既。 哲：唔