参加诏安客语讲古比赛-三和国小.doc

雲林縣二崙鄉三和國小詔安故事比賽講稿 Ｂ：哇！實在足好个呢！今日學校渡俺人出來校外教學。 Ｃ：係啊！若講著雲林，有影係一個好所在。 Ｂ：好賞个所在有古坑个劍湖山，好?个有虎尾个布袋戲，阿若?著西螺大橋， 即知西螺到位啊！ Ｃ：耶！遐係麼个所在呀？仰子會有一個恁誠大个豆油罐咧?俺人行畏來去遐?望咧！ Ｂ：喔！遐係丸莊豆油个「豆油博物館」，為著討傳承豆油个釀造文化，丸莊成立第一 間台灣个「豆油博物館」，拁西螺已經停用个老廠房轉型升級，拁整體發展个設計 規劃了後，展出新意佮魅力，提供得遊客參觀。 Ｃ：喔！擱有DIY蔭鼓教學喔！歡迎大家量早預約體驗。 Ａ：嘿！大家好，??係豆油哥，歡迎大家作垺來瞭解台灣傳統黑豆蔭油个釀造過程，今 日討渡大家來去?西螺个豆油係仰子做出來个。 B：係啊！西螺頭出名个即係黑豆豆油。行佇西螺街路，三五步即會用?著一間豆油店， 這件產業佇西螺對清朝發展至今，已經有百外年啊！ C：按…??想討問?望西螺个豆油，係仰子會恁誠好食咧？ Ａ：遐係因為西螺有甘甜个水質，加上西螺這个所在，歸年透天溫度堵好，日頭光真罅，這兜條件攏真適合做豆油，擱加上堅持傳統个古法純釀造个技術，堅持用手工。因為較費工，正會用做出純釀造傳統个黑豆蔭油，開展出『醬門世家』个王國。 Ｃ：毋過，討做出傳統好食个豆油，佢个過程係仰子做个ㄋㄟ？ Ａ：哦-先拁烏豆洗淨俐，正擱浸水浸一站時間。績落去拁烏豆炊得佢熟。正拁煮熟个烏 豆舖得佢平，拁菌種委佇烏豆面上。續落拁佢送入去菌室得佢冷，溫度嘛愛節在四 十度。 B：處理好个烏豆愛囥幾久正會用食？ Ａ：頭下講个過程猶吂講煞，入去菌室愛等到第六日即愛拁烏豆面上黃色个菌絲洗洗个， 正閣加熱到四十度，香氣即走出來啊！ C：接落來??知，香氣走出來了後愛落鹽封缸，定著愛囥到一百八十日，即變成豆豉。 閣來即係煎綿提油，有分清个和醹个。頭尾拁佢裝入罐子，豆油即會用賣啊！ B：烏罐仔裝豆油，?攏無。無想著討食一嘴好食个豆油愛恁誠費氣哦。 Ｃ：毋過佇這滿黑心食品滿位係个時代，好得猶有這個有良心个丸莊豆油替大家來想！ Ａ：係啊！雲林縣現時係農業首都，而且縣長又推廣有機農業，這攏係為著民眾个身體 康健來想个，所以丸莊豆油正會用心製造古法釀造个健康豆油，即係為著愛得大家 買會著真經好食擱健康个豆油。 Ｂ：勞力豆油哥拁??人紹介到恁詳細，趁今日來到位西螺，??討攔緊來去買真多豆油提 轉去做等路，好得隔壁屋邊嘛會用食著恁誠好食个豆油。擱會用加熟識一個豆油阿 妹咧。 Ｃ：係啊，??若想著阿依用西螺豆油滷个豬腳，??个口涎即討流落來啊。